雷有輝生日推新碟回顧青春　疫情下留家享更多家庭樂

雷有輝將於2月16日生日推出新唱片《二十才前》，並發佈第二首派台歌曲《平行空間》，期間網上向Fans拜年之餘，更自彈自唱生日歌慶祝！

近期香港受疫情影響，Pat哥坦言擔心疫情多於銷量，更呼籲Fans安在家中：「其實現在不是要出街才有得買CD，但上網都可以買我的歌，不過CD就是限量版，靠上網訂啦，一齊抗疫，希望病毒快點走啦！現在我都不會周圍去，最多落樓買飯，以前我就可以周圍飛，這兩年留在屋企多了，多些家庭樂時間，但磨擦都多咗，當了解對方嘅方法之一。」

生日在即Pat哥話未有慶祝大計，將暗訪CD店睇銷量：「現在沒了堂食，冇得慶祝，之前計劃Fans聚會都押後，最多同囝囝切蛋糕慶祝！明日可能會去唱片鋪睇吓銷量，如果見一個人買，就衝出嚟幫對方簽名，多過兩個人就不去的了！」

Pat哥話這隻唱片籌備多時，專輯將出黑膠唱片、錄音帶版本，帶出40年前的情懷：「隻碟嘅Concept都係講中學時期，應該係大家最開心嘅時刻，咪當搵吓啲開心嘅回憶囉。」

最新影片：林淑敏+許家傑訪問